Gəncə şəhər İcra Hakimiyyətinin təşəbbüsü ilə AMEA  Gəncə Bölməsi tərəfindən  “Vətən müharibəsi – Gəncə şəhidləri”  kitabı  nəşr edilmişdir.             

     Kitabda Ali Baş Komandan İlham Əliyevin 44 günlük Vətən müharibəsi dövründə torpaqlarımızın azad olunması uğrunda şəhid olmuş şəxslər haqqında verilmiş qərar və sərəncamlar, 131 Vətən müharibəsi  şəhidinin  tərcümeyi-halı öz əksini tapmışdır.                                                                                                

     Dövlət bayrağı günü münasibətilə  təşkil olunan  tədbirdə nəşr olunmuş yeni kitablar  şəhidlərin  xatirəsinə  etiramın ifadə olaraq bu qəhrəmanları yetişdirən valiyenlərə  və ailə üzvlərinə Gəncə şəhər İcra Hakimiyyətinin başçısı Niyazi Bayramov tərəfindən təqdim olunmuşdur.                                                                 

     AMEA  Gəncə Bölməsinin sədri, akademik Fuad Əliyev başımızın üzərində dalğalanan üçrəngli bayrağın ərazilərimizi qanı, canı bahasına azad etmiş şəhidlərimizi tərənnüm  etdiyini bildirdi.    Kitabda şəhidlərin ölkə Prezidentinin sərəncamı əsasında medal və ordenlər,  onların qısaca tərcümyi-halı öz əksini tapmışdır ki, bu da gələcək gənc nəslin vətənpərvərlik ruhunda böyümələrinə şərait  yaradacaqdır.                                                                                                                 

     Gəncə Şəhər İcra Hakimiyyətinin təşəbbüsü ilə  hazırlanan “Vətən müharibəsi – Gəncə şəhidləri” kitabı   qəhrəman  şəhidlərimizin və  şəhərimizə raket  hücumu  nəticəsində  həlak olan   mülki  şəxslərn -   uşaq, qoca və qadının  ölməz  xatirəsinə etiramın ifadəsidir.                                                                                 

     Nəşr olunan yeni  kitab  şəhidlərimizin və günahsız yerə həlak olmuş mülki şəxslərin xatirəsinə dərin etiramın ifadəsi  olmaqla yanaşı,  həm də  Vətən müharibəsi, onun qəhrəmanları və qələbəyə öz töhfəsini  vermiş mülki insanlar  haqqında  gələcək  elmi tədqiqatlar üçün qiymətli mənbədir.