XƏBƏRLƏR
05.03.2022 / Konfranslar, iclaslar
AMEA GƏNCƏ BÖLMƏSİNDƏ BEYNƏLXALQ QADINLAR GÜNÜ QEYD OLUNUB

   Martın  5-də AMEA Gəncə Bölməsində 8 mart – Beynəlxalq Qadınlar Günü  münasibətilə bayram  tədbir keçirilib.                  

   Tədbiri giriş sözü ilə açan  AMEA Gəncə Bölməsinin sədri, akademik Fuad Əliyev bu mötəbər elm məbədində  çalışan qadınları bayram münasibətilə  təbrik edib, onlara üzün ömür, can sağlığı  və elmi fəaliyyətlərində uğurlar arzulayıb.

   Akademik, qədim şəhərin elm, təhsil,  mədəniyyət  və içtimai-siyasi  həyatında  qadınların fəal rolunu, qazandıqları uğurları vurğulayıb. Qeyd edlib ki, ölkəmizdə dövlət qadın siyasətinin əsası  Ümummilli Lider Heydər Əliyev tərəfindən qoyulub, Respublika Prezidenti cənab İlham Əliyev bu ənənəni uğurla davam etdirib, qadınların cəmiyyətdə layiqli mövqe tutmasını, qadınlarla bağlı siyasətin gücləndirilməsini dövlətin mühüm vəzifəsi kimi qarşıya qoyub. 

  Azərbaycan xalqının milli-mədəni irsinin öyrənilməsində, xalqımızın dərin köklərə malik incəsənətinin və mədəniyyətinin təbliğində Birinci vitse-prezident, Heydər Əliyev Fondunun prezidenti Mehriban xanım Əliyevanın fəaliyyəti örnək kimi qəbul edilir. Çoxşaxəli fəaliyyəti ilə müasir Azərbaycan qadınının obrazını yaradan, UNESCO-nun və İSESCO-nun xoşməramlı səfiri, Azərbaycanın birinci xanımı Mehriban Əliyevanın gördüyü işlər  təkcə ölkəmizdə deyil,  beynəlxalq miqyasda da yüksək qiymətləndirilir.                                                                

   Gəncə Bölməsinin Həmkarlar Komitəsinin sədri Nailə Hacıyeva, Bölmənin Yeni Azərbaycan Partiyası təşkilatının sədri Elnur Həsənov, Qadınlar təşkilatının sədri Mətanət Əliyeva,  İşlər idarəsinin rəisi Rasim Tağıyev, Nizami Gəncəvi Mərkəzinin böyük elmi işçisi, filologiya üzrə fəlsəfə doktoru  Əlmuxtar Muxtarov, laboratoriya müdiri, kimya üzrə fəlsəfə doktoru İmran Qasımov Gəncə Bölməsində çalışan qadınları bayram münasibətilə təbrik edib, onların fəaliyyəti üçün hər cür şərait yaradıldığını  diqqətə çatdırıblar.                                  

   Bu gün Gəncə Bölməsində 3 nəfər elmlər doktoru, 9 nəfər fəlsəfə doktoru xanımlarımız gərgin elmi-tədqiqat işləri  aparır,  elmi-təşkilati işlərə öz töhfələrini verirlər.

   Bayram tədbirində Bölmənin  elm və içtimai-siyasi həyatında fəal iştirak edən qadınlara tər çiçəklər təqdim edilib.