Tədbir “Konstitusiya və Suverenlik İli” çərçivəsində Elm və Təhsil Nazirliyi və  AMEA-nın Gəncə Bölməsi tərəfindən  təşkil olunub.

   İştirakçılar Ümummilli lider Heydər Əliyevin AMEA-nın Gəncə Bölməsindəki büstünü ziyarət edərək, müasir dövlətçiliyimizin memarı və qurucusunun  xatirəsinə ehtiramla yad edib, abidənin qarşısına güllər düzüblər.

   Dəyirmi masa Azərbaycan Respublikasının Dövlət himninin səsləndirilməsi, Ümummilli Lider Heydər Əliyevin və Vətən torpaqlarının bütövlüyü uğrunda canlarından keçən şəhidlərin xatirəsinin bir dəqiqəlik sükutla anılması ilə başlayıb.

   Tədbiri açarkən, AMEA-nın Gəncə Bölməsinin sədri, akademik Fuad Əliyev əsası Ulu Öndər Heydər Əliyev tərəfindən qoyulmuş müasir dövlətçilik strategiyasının onun layiqli davamçısı, möhtərəm Prezidentimiz İlham Əliyev tərəfindən uğurla və müasir dünyanın tələblərinə uyğun surətdə davam etdirildiyini bildirib və qeyd edib ki,  Müzəffər Ali Baş Komandanın qüdrətli dövlət və ordu quruculuğunun təntənəsi kimi, onun rəhbərliyi altında, millətimizin həmrəyliyi və Azərbaycan əsgərinin misilsiz igidliyi sayəsində Vətən torpaqlarımızın bütövlüyü bərqərar olunub. O, həmçinin ölkə başçısının  Sərəncamı ilə 2025-ci ilin “Konstitusiya və Suverenlik İli” elan edildiyinin dövlətçiliyimizin daha da möhkəmlənməsi üçün böyük əhəmiyyət daşıdığını bildirib

   Sonra  dəyirmi masanın məruzələri dinlənilib.

   AMEA  Gəncə  Bölməsinin  elmi  işlər üzrə sədr müavini, fil.ü.f.d. dos. Əlimuxtar  Muxtarov “Müzəffər Ali Baş Komandan İlham Əliyevin rəhbərliyi dövründə Ata vəsiyyətindən Suverenliyə!”, AR  ETN Nəbatat Bağının şöbə müdiri, b.e.d., prof. Aynur Bayramova “Suverenlik  İlində             xüsusi  mühafizə olunan təbiət  ərazilərinin rolu - Milli  parklar”, AR ETN   Bioresurslar   İnstitutunun  direktoru, k.ü.f.d., dos. İmran Qasımov  Dövlət suverenliyimiz  xalqımızın tarixi mübarizə salnaməsidir”, AR ETN Aqrar  Problemlər İnstitutunun direktoru  Sədaqət Adıgözəlova “Qərbi Azərbaycana Qayıdış  Konsepsiyası “Suverenlik  İli”nin hədəfi kimi”, AMEA-nın   Gəncə  Bölməsinin YAP Gəncə şəhər 2 saylı  Ərazi Partiya Təşkilatının sədri  Vüsal   Eminbəyli “Suverenliyin təməlində diplomatiya: İlham  Əliyevin xarici siyasət  strategiyası”,  AMEA-nın Gəncə  Bölməsinin Nizami Gəncəvi  Mərkəzinin elmi işçisi Leyla Kərimova Müstəqil Azərbaycan Respublikası Azərbaycan  Xalq Cumhuriyyətinin  siyasi varisidir” və Bölmənin Beynəlxalq Əlaqələr şöbəsinin müdiri Simuzər Qafarlı “Azərbaycan, Türkiyə və Pakistan liderlərinin Laçında üçtərəfli Tarixi Zirvə görüşü” mövzularında çıxış ediblər.

   Məruzələrdə səslənən fikirlər ətrafında müzakirələr aparılıb.

   Tədbiri yekunlaşdırarkən  AMEA-nın Gəncə Bölməsinin sədri, akademik Fuad Əliyev maraqlı və dolğun elmi əsalandırmalara görə, məruzəçi və iştirakçılara təşəkkür edərək,  alim və tədqiqatçıları xüsusən bu əlamətdar ilin yüksək amalları və ölkəmizin daha işıqlı gələcəyi naminə daha fəal çalışmağa çağırıb.