"Gəncənin elm və incəsənət xadimləri" adlı yeni kitab ictimaiyyətə təqdim ediləcək

XƏBƏRLƏR

A+ A- 81 Çap et Arxiv

30.01.2026 / Mühüm hadisələr
"Gəncənin elm və incəsənət xadimləri" adlı yeni kitab ictimaiyyətə təqdim ediləcək

Azərbaycan Milli Elmlər Akademiyasının Gəncə Bölməsində “Gəncənin elm və incəsənət xadimləri” adlı monoqrafiya çapdan çıxmışdır. Kitabın nəşri AMEA-nın yaradılmasının 80 illiyinə ithaf olunub.

Gəncə alimlərinin birgə əməyinin nəticəsi olan kitabın unikal xüsusiyyəti onun erkən orta əsrlərdən başlayaraq müasir dövrümüzəcən Azərbaycan milli ruhunun ən güclü təzahürü baxımından əlamətdar şəhərlərimizdən olan Gəncədə yaşayıb-yaratmış, eləcə də bu məkanla bu və ya digər dərəcədə bağlılıqları olmuş yüzlərlə görkəmli şəxsin - elm, mühəndislik, ixtira, eləcə də fikir, ədəbiyyat və sənət adamlarına aid bioqrafik və yaradıcılıq məlumatların toplusu halında ərsəyə gətirilməsindədir.

Bu ensiklopedik xarakterli nəşr AMEA-nın 80 illik yubileyinin keçirilməsi haqqında ölkə rəhbərinin Sərəncamının işığında bu əlamətdar yubileyə Gəncə Bölməsinin bir töhfəsi kimi, eləcə də Cənab Prezidentin çıxışlarında milli mənəvi dəyərlərimizin qorunması haqqında alimlərimizin qarşısında duran vəzifələrə dair səsləndirdiyi tezislərdən ruhlanaraq hazırlanmışdır.

“Gəncənin elm və incəsənət xadimləri” kitabı yaxın günlərdə ictimaiyyətimizə təqdim ediləcək.

Kitabın elmi redaktoru və ön sözünün müəllifi AMEA-nın Gəncə Bölməsinin sədri, akademik Fuad Əliyevdir.

AZƏRBAYCAN MİLLİ ELMLƏR AKADEMİYASI
GƏNCƏ BÖLMƏSİ

GƏNCƏNİN

ELM VƏ İNCƏSƏNƏT

XADİMLƏRİ

Azərbaycan Milli Elmlər Akademiyasının
“80” illik yubileyinə həsr olunur.

Bakı - “Elm” - 2026

Azərbaycan Milli Elmlər AkademiyasınınGəncə Bölməsinin Rəyasət Heyətinin 06 oktyabr 2025-ci il tarixli 13/02 saylı qərarı ilə nəşr olunur.

Elmi redaktor:

Fuad Əliyev - AMEA Gəncə Bölməsinin sədri, akademik

Tərtib etdi:

Təranə Verdiyeva - Nizami Gəncəvi Mərkəzinin şöbə müdiri, filologiya üzrə fəlsəfə doktoru

İşçi qrupu:

Fərhad Mirzəyev - Elektron Xidmətlər şöbəsinin müdiri

Ülviyyə İsmayılova - Nizami Gəncəvi Mərkəzinin əməkdaşı

Nailə Mirzəyeva - Elektron Xidmətlər şöbəsinin baş mütəxəssisi

Gəncənin elm və incəsənət xadimləri. Bakı: Elm, 2026, - 348 səh.

ISBN 978-9952-601-60-2

Azərbaycan Milli Elmlər Akademiyasının “80 illik” yubileyinin keçirilməsi haqqında ölkə Prezidenti İlham Əliyev tərəfindən verilən sərəncam elm ictimaiyyətinə göstərilən diqqət və qayğının növbəti təzahürüdür.

Nəşr olunmuş monoqrafiyada X əsrdən başlayaraq qədim Gəncə torpağında yaşayıb yaratmış mütəfəkkirlərin müxtəlif sahələrdə yaratdığı əsərlər haqqında ensiklopedik məlumatlar təqdim olunur. Bu nəşr qədim elmi ixtiraların bərpa edilməsində, milli-mənəvi dəyərlərimizin aşkara çıxarılmasında və gənc nəslin elmi tədqiqatlarda istifadəsi üçün köməkçi vasitə rolunu oynayacaqdır.